Kafka’s Ape

Akteur: Tony Bonani Miyambo

Regisseur: Phala Ookeditse Phala

Dramaturg: Franz Kafka

Verhoogbestuurder: Matjamela Motloung

Vervaardiger: Noma Yini

Kafka’s Ape is ’n meedoënlose, ontstellende belydenis van ’n voormalige aap wat uit sy hok ontsnap het deur te leer om “beskaafde” mense na te boots. Vasgevang in ’n pak en met foutlose taalgebruik, doen Red Peter verslag aan ’n akademie wat hom ontleed soos ’n proefkonyn, terwyl hulle terselfdertyd sy “vordering” toejuig. Wanneer ’n swart Suid-Afrikaner hierdie byna-menslike wese vertolk, skeur die stuk die geskiedenisse van rassekarikature, wetenskaplike rassisme en die politiek van fatsoenlikheid (“respectability”) oop. Dit vra: Wat moet jy van jouself afsny om as mens aanvaar te word – en is oorlewing die moeite werd as jy uiteindelik jou eie tronkbewaarder word?