Terug na Louis Trichardt

Akteur: Jean-Pierre Paquot

Regisseur: Ilne Fourie

Terug na Louis Trichardt is ’n intieme eenpersoonkomedie wat die storie volg van ’n man op ’n busrit terug na sy tuisdorp en flambojante gay skoolvriend wat eens sy hele wêreld omgekeer het. Hy vertel van ongemaklike skoolherinneringe vol kleindorpie-chaos, verwarde liefdesstories en die ontdekking van wie hy regtig is. Die resultaat is ’n snaakse, eerlike en hartroerende blik op queer-grootword in Suid-Afrika. Dit is vol pret en nostalgie en vier die mense wat ons help word wie ons is.